Ansam – enn proze kot kreativite artistik ek langazman sosial marye-pike. Enn lespas ko-kreasion, kot bann artis, bann akter kiltirel ek bann militan lemond asosiatif met lespri ansam pou met lar o-servis enn landime pli zis, pou tou dimounn.
ANSAM!
✊ Lespri Ansam
Ansam se enn proze kolaboratif ki porte par lorganizasion franse Atelier des Luttes (ADL). ADL milit an faver bann drwa imin, lasante sexiel, lekolozi ek lazenes. Zot travay konsantre lor pledwaye. Zot an kolaborasion direk avek bann kominote vilnerab pou zot gagn enn pli gran partisipasion dan bann desizion ki konsern zot.
Ansam inskrir li dan dinamik Fabrique des Dialogues, ki enn inisiativ ADL, ki ena soutien finansie Expertise France, enn filial Agence Française de Développement.
ADL gide par enn prinsip: nanye pou nou, san nou!
✊ Rezidans Ansam Moris
Sak samdi ant le 8 novam ek le 6 desam 2025, 7 artis inn met lespri ek lame Ansam pou travay lor enn EP. 5 sante ki port sakenn enn mesaz, ki sarye bann temwaniaz, ki revandik enn lemond meyer pou tou dimounn.
Nou invit zot swiv realizsion sa zoli proze la:
EP 1 – Premie zour Rezidans ANSAM Moris | 7 artis an mision plaidoyer
Ansam Moris, enn rezidans artistik angaze ek popiler kot 7 artis inn zwenn pou krwar, ekrir, konpoze ek sante enn sel mesaz: fer lavwa bann Riposteurs tande. Enn proze kiltirel lokal ki servi lamizik kouma zouti pou sansibilizasion, transformasion sosyal ek plaidwaye.
Sak samdi ant le 8 novam ek le 6 desam 2025, bann artis inn met zot leker ek zot kreativite Ansam pou kree enn EP 5 sante ki aborde bann tem: Stigmatizasion, VIH, Drwa imin, Violans baze lor gender, Langazman Politik
Dan sa premie epizod-la:
🎥 Premie rankont rezidan
💬 Dekouvert bann tem
❤️ Premie konfesion
🔥 Premie refleksion lor plaidwaye atraver lart
Plis ki enn rezidans artistik; Se enn mouvman.
